Politika e privatësisë

Përditësuar më 30 tetor 2026

Kjo politikë shpjegon cilat të dhëna personale mbledhim kur përdor aplikacionin Enis Rama (iPhone, iPad dhe Android) dhe faqen www.enisrama.com, pse i mbledhim, me kë i ndajmë dhe si mund t'i kontrollosh. Shpjegon edhe si i publikojmë klipet tona në Facebook, Instagram dhe TikTok.

1. Kush jemi

Aplikacionin dhe faqen i ofron Criteria Network sh.p.k., me numër biznesi 71155986 në Agjencinë e Regjistrimit të Bizneseve të Kosovës (ARBK), me seli në adresën Rruga Kuvendi I Lezhes, Blloku V, Lokali 3, Fushë Kosovë, Kosovë (në vijim: "ne"). Ne jemi kontrollues i të dhënave personale të përshkruara këtu. Për çdo pyetje rreth privatësisë na shkruaj në info@criterianetwork.com.

2. Çfarë të dhënash mbledhim

Kur e përdor aplikacionin pa llogari. Ligjëratat dhe librat falas mund t'i përdorësh pa llogari. Për t'i dërguar ato në telefonin tënd, serverët tanë dhe ofruesit tanë përpunojnë të dhëna teknike si adresa IP, lloji i pajisjes dhe versioni i aplikacionit. Këto mbahen vetëm në regjistrat teknikë, për një kohë të shkurtër.

Kur kyçesh. Mund të kyçesh me Apple ose me Google. Prej tyre marrim emrin, adresën e email-it (ose adresën private që krijon Apple) dhe një identifikues të llogarisë. Nëse dëshiron, mund të shtosh emrin dhe mbiemrin, qytetin dhe shtetin, datëlindjen dhe gjininë, si dhe një fotografi profili. Qytetin dhe shtetin mund t'i plotësosh me një prekje nga vendndodhja e telefonit: vendndodhja përdoret vetëm një herë, në telefon, dhe neve na dërgohen vetëm emrat e qytetit dhe të shtetit, jo koordinatat.

Datëlindja dhe gjinia. Pas kyçjes, aplikacioni mund të të pyesë kur ke lindur dhe për gjininë. Të dyja janë opsionale: secilën pyetje mund ta anashkalosh, ose t'i shtosh më vonë. Na ndihmojnë të dimë kush i dëgjon ligjëratat; nuk i përdorim për të zgjedhur se çfarë të shfaq aplikacioni. Mund t'i ndryshosh ose t'i heqësh kurdo te Profili › Ndrysho profilin, dhe kur i heq, fshihen nga llogaria.

Kur e përdor aplikacionin me llogari. Ruajmë atë që e bën aplikacionin tëndin: ecurinë e dëgjimit (ku e le një ligjëratë, minutat e dëgjuara, ligjëratat e përfunduara dhe ditët me dëgjim), të preferuarat, listat, shënimet për ligjëratat, theksimet, shënimet dhe faqeshënuesit në libra, vendin ku ke mbetur në lexim, klipet që ke parë dhe pëlqyer, si dhe cilësimet e tua. Zonën kohore të telefonit e përdorim për t'i numëruar ditët e dëgjimit sipas orës tënde.

Kur porosit një libër të shtypur. Për ta dërguar librin na duhen emri i plotë, email-i, numri i telefonit, adresa e dërgesës (rruga, qyteti, shteti), numri i kopjeve dhe mënyra e pagesës. Kur paguan me kartelë, të dhënat e kartelës i shkruan vetëm në faqen e sigurt të ofruesit tonë të pagesave, Paysera. Ato nuk vijnë kurrë te ne: ne marrim vetëm njoftimin nëse pagesa u krye dhe numrin e saj të referencës.

Raportet e gabimeve. Kur aplikacioni has një gabim ose mbyllet papritur, mund të na dërgojë një raport teknik përmes shërbimit Sentry: modelin e pajisjes, versionin e sistemit dhe të aplikacionit, përshkrimin teknik të gabimit dhe, nëse je i kyçur, identifikuesin e llogarisë. Raportet nuk përmbajnë shënimet e tua apo të dhënat e porosive. Te Profili, nën numrin e versionit, "Kopjo detajet diagnostikuese" të lejon të na i dërgosh vetë detajet kur raporton një problem.

Kur na kontakton. Ruajmë mesazhet që na dërgon me email ose në telefon, që të të përgjigjemi.

Nuk shfaqim reklama, nuk i shesim të dhënat dhe nuk të ndjekim në aplikacionet apo faqet e kompanive të tjera.

3. Publikimi i klipeve në Facebook, Instagram dhe TikTok

Klipet tona, video të shkurtra me Hoxhë Enis Ramën, i publikojmë edhe në faqen e tij zyrtare në Facebook dhe në llogaritë e tij zyrtare në Instagram dhe TikTok. Publikimin e nis vetëm një administrator i kyçur në panelin tonë të menaxhimit, dhe vetëm për një klip që është publikuar në aplikacion. Postimet i dërgojmë drejtpërdrejt, me aplikacionet tona te rrjetet, pa shërbime ndërmjetëse: në Facebook dhe Instagram me aplikacionin tonë te Meta, përmes kyçjes zyrtare të Facebook-ut (Facebook Login) dhe ndërfaqes zyrtare të Meta-s (Graph API); në TikTok me aplikacionin tonë te TikTok (“Enis Rama Official”), përmes ndërfaqeve zyrtare të TikTok-ut për kyçjen (Login Kit) dhe për publikimin (Content Posting API).

Çfarë dërgojmë. Videon e klipit, tekstin e postimit (atë që shkruan administratori, përndryshe përshkrimin e shkurtër ose titullin e klipit), në Facebook edhe titullin e klipit, si dhe zgjedhjet që kërkon rrjeti, p.sh. te TikTok: kush e sheh postimin, nëse lejohen komentet, Duet dhe Stitch, dhe nëse klipi promovon një markë. Në postime nuk ka të dhëna të përdoruesve të aplikacionit apo të faqes.
Çfarë ruajmë. Për çdo postim: rrjetin, tekstin dhe zgjedhjet e tij, gjendjen e dërgimit, lidhjen dhe identifikuesin e postimit në rrjet, arsyen kur rrjeti e refuzon, administratorin që e kërkoi dhe kohën.
Çfarë lexojmë. Kur një administrator lidh faqen në Facebook, lexojmë faqet që ai menaxhon (identifikuesin, emrin, emrin e përdoruesit dhe çfarë mund të bëjë në secilën), që të zgjedhë faqen ku postohen klipet, dhe llogarinë profesionale të Instagram-it të lidhur me atë faqe (identifikuesin, emrin dhe emrin e përdoruesit). Për llogarinë tonë në TikTok lexojmë emrin, emrin e përdoruesit, identifikuesin e saj te TikTok dhe zgjedhjet që lejon TikTok për të. Këto i përdorim që paneli të tregojë ku del postimi, dhe lexojmë gjendjen e postimit derisa rrjeti ta publikojë. Nuk mbledhim të dhëna për ndjekësit, komentet apo pëlqimet.
Tokenët e qasjes. Faqen në Facebook, bashkë me Instagram-in e lidhur me të, dhe llogarinë në TikTok i lidh një administrator i plotë në panelin tonë, me kyçjen zyrtare të secilit rrjet. Tokenët e qasjes që lëshon Meta (tokeni i faqes dhe tokeni i administratorit që e lidhi, i cili skadon brenda 60 ditëve) dhe ata që lëshon TikTok (tokenët e qasjes dhe të rifreskimit) i ruajnë vetëm serverët tanë, të koduar (AES-256-GCM) me një çelës që mbahet vetëm si sekret në mjedisin e serverit. Ata nuk i dërgohen asnjëherë shfletuesit apo aplikacionit dhe përdoren vetëm për të publikuar klipet tona dhe për të ndjekur postimet, ata të TikTok-ut edhe për t'u rinovuar. Çdo thirrje që u bëjmë ndërfaqeve të Meta-s me këta tokenë nënshkruhet me sekretin e aplikacionit tonë (appsecret_proof). Sekretet e aplikacioneve tona te Meta dhe TikTok ruhen vetëm si sekrete në mjedisin e serverit.
Kyçja me Facebook. Kyçjen me Facebook e përdorin vetëm administratorët tanë, në panelin e menaxhimit, për të lidhur faqen tonë. Aplikacioni dhe faqja nuk ofrojnë kyçje me Facebook dhe nuk përdorin Meta Pixel apo SDK të Meta-s, ndaj nuk marrim nga Facebook të dhëna për përdoruesit e tyre.

4. Pse i përdorim dhe mbi çfarë baze ligjore

Qëllimi	Baza ligjore
Të ofrojmë aplikacionin, llogarinë dhe veçoritë e saj (ecuria, të preferuarat, shënimet)	Zbatimi i marrëveshjes me ty (Kushtet e përdorimit)
Të përpunojmë, dërgojmë dhe, kur duhet, rimbursojmë porositë	Zbatimi i marrëveshjes së blerjes (Kushtet e shitjes)
Të mbajmë evidencat e shitjeve dhe pagesave	Detyrim ligjor (ligjet për kontabilitetin dhe tatimet)
Të mbajmë aplikacionin të sigurt dhe të gjejmë e rregullojmë gabimet	Interes i ligjshëm
Të shohim statistika të përmbledhura, p.sh. sa herë është dëgjuar një ligjëratë, për ta përmirësuar përmbajtjen	Interes i ligjshëm
Të plotësojmë qytetin nga vendndodhja dhe të vendosim fotografinë e profilit	Pëlqimi yt, që mund ta tërheqësh kurdo
Të dimë kush i dëgjon ligjëratat, nga datëlindja dhe gjinia, kur zgjedh t'i japësh	Pëlqimi yt, që mund ta tërheqësh kurdo duke i hequr te Profili
Të publikojmë klipet tona në Facebook, Instagram dhe TikTok	Interes i ligjshëm (ta përhapim përmbajtjen tonë)

5. Me kë i ndajmë

Të dhënat i përpunojnë për ne vetëm ofruesit që na ndihmojnë ta japim shërbimin, sipas udhëzimeve tona:

Supabase: kyçja në llogari, baza e të dhënave dhe ruajtja e skedarëve
Render: serverët ku punon shërbimi ynë
Bunny.net: transmetimi i audiove, videove dhe imazheve
Sentry: raportet e gabimeve
Apple dhe Google: kyçja, kur zgjedh njërin prej tyre
Paysera: pagesat me kartelë
Shërbimi postar ose korrieri: emri, telefoni dhe adresa, për ta dorëzuar porosinë

Klipet që publikojmë dalin publikisht në Facebook, Instagram dhe TikTok, ku i përpunojnë Meta dhe TikTok sipas kushteve dhe politikave të tyre.

Të dhënat mund t'ia japim edhe një autoriteti publik kur ligji na detyron.

6. Ku përpunohen

Disa nga këta ofrues i përpunojnë të dhënat jashtë Kosovës, në Bashkimin Evropian ose në Shtetet e Bashkuara. Punojmë vetëm me ofrues që i mbrojnë të dhënat me masa të përshtatshme, si klauzolat standarde kontraktuale.

7. Sa kohë i ruajmë

Llogaria dhe gjithçka e ruajtur në të: derisa ta fshish llogarinë.
Porositë: aq sa kërkojnë ligjet për kontabilitetin dhe tatimet. Kur e fshin llogarinë, nga porositë e saj hiqen emri, adresa, telefoni dhe email-i, dhe mbetet vetëm evidenca financiare. Porositë e papaguara që ende nuk janë përgatitur anulohen.
Raportet e gabimeve: deri në 90 ditë.
Regjistrat teknikë të serverëve: deri në 30 ditë.
Postimet në rrjetet sociale: të dhënat e një postimi i ruajmë bashkë me klipin dhe fshihen kur fshihet klipi. Postimi mbetet në Facebook, Instagram apo TikTok derisa ta heqim nga faqja ose llogaria jonë: fshirja e klipit te ne nuk e heq atë. Kur një administrator e shkëput te paneli faqen në Facebook ose llogarinë në TikTok, serverët tanë i fshijnë menjëherë tokenët e saj dhe i kërkojnë Meta-s ose TikTok-ut ta tërheqë qasjen. Pa një lidhje të re, tokeni i administratorit te Meta skadon brenda 60 ditëve dhe tokenët e TikTok-ut brenda një viti; tokeni i faqes nuk skadon vetë, por pushon së punuari kur tërhiqet qasja. Kur Facebook-u jep disa faqe, lista e tyre dhe tokeni i administratorit mbahen të koduar deri në 15 minuta, derisa ai të zgjedhë njërën.

8. Të drejtat e tua

Ke të drejtë të kërkosh qasje në të dhënat e tua, korrigjimin, fshirjen ose kufizimin e përpunimit të tyre, t'i marrësh në një format të lexueshëm, si dhe të kundërshtosh përpunimin që bazohet në interesin tonë të ligjshëm. Pëlqimin mund ta tërheqësh kurdo.

Nëse mendon se i përpunojmë të dhënat në kundërshtim me ligjin, mund të ankohesh te Agjencia për Informim dhe Privatësi e Kosovës, ose te autoriteti për mbrojtjen e të dhënave në vendin ku jeton.

Si të kërkosh fshirjen e të dhënave

Llogarinë dhe të dhënat e saj mund t'i fshish vetë në aplikacion: Profili › Fshi llogarinë. Mund të na shkruash edhe në info@criterianetwork.com nga adresa e email-it të llogarisë. Për kërkesat e tjera na shkruaj në të njëjtën adresë; përgjigjemi brenda 30 ditëve.

Meqë aplikacioni dhe faqja nuk ofrojnë kyçje me Facebook, nuk mbajmë të dhëna për përdoruesit e Facebook-ut. Lidhjen e faqes sonë në Facebook dhe të Instagram-it me aplikacionin tonë e heq një administrator i plotë te paneli (Cilësimet › Facebook dhe Instagram › Shkëput): serverët tanë i fshijnë menjëherë tokenët dhe i kërkojnë Meta-s ta tërheqë qasjen. Administratori i faqes mund ta heqë kurdo aplikacionin tonë edhe vetë, te cilësimet e Facebook-ut për integrimet e biznesit (Business Integrations); pas kësaj nuk mund të publikojmë më në faqe. Qasjen e aplikacionit tonë në llogarinë tonë te TikTok mund ta tërheqë kurdo pronari i llogarisë, te cilësimet e TikTok-ut për lejet e aplikacioneve. Për çdo kërkesë tjetër për të dhënat që lidhen me publikimet tona në Facebook, Instagram ose TikTok, na shkruaj në info@criterianetwork.com.

9. Fëmijët

Llogaritë janë për persona mbi 16 vjeç. Fëmijët nën këtë moshë mund ta përdorin aplikacionin pa llogari, ose me llogarinë e prindit. Nëse mëson se një fëmijë ka krijuar llogari pa pëlqimin tënd, na shkruaj dhe do ta fshijmë.

10. Siguria

Lidhjet me serverët tanë janë të koduara (HTTPS). Sesioni i kyçjes ruhet në hapësirën e sigurt të telefonit. Qasja e stafit në të dhëna është e kufizuar sipas rolit, dhe të dhënat e kartelës nuk kalojnë kurrë nëpër sistemet tona. Tokenët e lidhjeve tona me Meta dhe TikTok ruhen vetëm në serverët tanë, të koduar, dhe, si sekretet e aplikacioneve tona te Meta dhe TikTok, nuk arrijnë kurrë te shfletuesi apo aplikacioni.

11. Ndryshimet

Kur e ndryshojmë këtë politikë, e përditësojmë në këtë faqe dhe ndryshojmë datën më lart; versioni i ri vlen nga ajo datë. Për ndryshimet e rëndësishme të njoftojmë edhe në aplikacion.

12. Kontakti

Criteria Network sh.p.k., Rruga Kuvendi I Lezhes, Blloku V, Lokali 3, Fushë Kosovë, Kosovë. Email: info@criterianetwork.com. Telefoni: +383 49 253 746.

Privacy Policy

Last updated 30 October 2026

This policy explains what personal data we collect when you use the Enis Rama app (iPhone, iPad and Android) and the website www.enisrama.com, why we collect it, who we share it with and how you can control it. It also explains how we publish our clips on Facebook, Instagram and TikTok.

1. Who we are

The app and the website are provided by Criteria Network sh.p.k., business number 71155986 at the Kosovo Business Registration Agency (ARBK), registered at Rruga Kuvendi I Lezhes, Blloku V, Lokali 3, Fushë Kosovë, Kosovo ("we"). We are the controller of the personal data described here. For any privacy question, write to info@criterianetwork.com.

2. What we collect

Using the app without an account. Lectures and free books can be used without an account. To deliver them to your phone, our servers and providers process technical data such as your IP address, device type and app version. This is kept only in technical logs, for a short time.

Signing in. You can sign in with Apple or Google. From them we receive your name, your email address (or the private address Apple creates) and an account identifier. If you wish, you can add your first and last name, your city and country, your birthday and gender, and a profile picture. City and country can be filled in with one tap from your phone's location: the location is used once, on the phone, and only the names of the city and country are sent to us, never coordinates.

Birthday and gender. After you sign in, the app may ask when you were born and your gender. Both are optional: you can skip either question, or add them later. They help us know who listens to the lectures; we do not use them to choose what the app shows you. You can change or remove them at any time in Profili › Ndrysho profilin (Profile › Edit profile), and once removed they are deleted from your account.

Using the app with an account. We store what makes the app yours: listening progress (where you stopped in a lecture, minutes listened, completed lectures and listening days), favourites, lists, notes on lectures, highlights, notes and bookmarks in books, your reading position, clips you watched and liked, and your settings. We use your phone's time zone to count listening days by your own clock.

Ordering a printed book. To deliver the book we need your full name, email, phone number, delivery address (street, city, country), the number of copies and the payment method. When you pay by card, you type your card details only on the secure page of our payment provider, Paysera. They never reach us: we receive only whether the payment succeeded and its reference number.

Error reports. When the app hits an error or closes unexpectedly, it may send us a technical report through Sentry: device model, system and app version, a technical description of the error and, if you are signed in, your account identifier. Reports do not contain your notes or order details. On Profili (Profile), under the version number, "Kopjo detajet diagnostikuese" (copy diagnostic details) lets you send us the details yourself when you report a problem.

Contacting us. We keep the messages you send us by email or phone so we can answer them.

We show no ads, we do not sell data, and we do not track you across other companies' apps or websites.

We also publish our clips, short videos of Hoxhë Enis Rama, on his official Facebook Page and his official Instagram and TikTok accounts. Only an administrator signed in to our management dashboard can start a post, and only for a clip that is published in the app. We send the posts directly, from our own apps on each network, with no service in between: to Facebook and Instagram from our own Meta app, through Facebook's official sign-in (Facebook Login) and Meta's official interface (Graph API); to TikTok from our own TikTok app (“Enis Rama Official”), through TikTok's official interfaces for sign-in (Login Kit) and publishing (Content Posting API).

What we send. The clip's video, the post's text (what the administrator writes, otherwise the clip's short description or title), on Facebook also the clip's title, and the choices the network asks for, for example on TikTok: who can see the post, whether comments, Duet and Stitch are allowed, and whether the clip promotes a brand. The posts contain no data about the users of the app or the website.
What we keep. For each post: the network, its text and choices, the sending status, the post's link and identifier on the network, the reason when the network refuses it, the administrator who asked for it, and the time.
What we read. When an administrator connects our Facebook Page, we read the Pages they manage (identifier, name, username and what they may do on each), so they can choose the Page the clips are posted to, and the Instagram professional account linked to that Page (identifier, name and username). For our TikTok account we read its name, username, TikTok identifier and the choices TikTok allows for it. We use these so the dashboard can show where a post will appear, and we read the post's status until the network has published it. We collect no data about followers, comments or likes.
Access tokens. A full administrator connects our Facebook Page, with the Instagram account linked to it, and our TikTok account in our dashboard, through each network's official sign-in. The access tokens Meta issues (the Page's token, and the token of the administrator who connected it, which lapses within 60 days) and those TikTok issues (access and refresh tokens) are kept by our servers only, encrypted (AES-256-GCM) with a key held only as a secret in the server environment. They are never sent to a browser or to the app, and are used only to publish our clips and to follow the posts, TikTok's also to renew themselves. Every call we make to Meta's interfaces with these tokens is signed with our app's secret (appsecret_proof). Our Meta and TikTok apps' secrets are kept only as secrets in the server environment.
Facebook sign-in. Facebook Login is used only by our administrators, in the management dashboard, to connect our Page. The app and the website offer no Facebook sign-in and use no Meta Pixel or Meta SDK, so we receive no data from Facebook about their users.

4. Why we use it, and on what legal basis

Purpose	Legal basis
To provide the app, your account and its features (progress, favourites, notes)	Performance of our agreement with you (Terms of Use)
To process, deliver and, where needed, refund orders	Performance of the purchase agreement (Terms of Sale)
To keep records of sales and payments	Legal obligation (accounting and tax law)
To keep the app secure and to find and fix errors	Legitimate interest
To see aggregate statistics, such as how often a lecture was played, to improve the content	Legitimate interest
To fill in your city from your location and to set your profile picture	Your consent, which you can withdraw at any time
To know who listens to the lectures, from your birthday and gender, when you choose to give them	Your consent, which you can withdraw at any time by removing them in Profile
To publish our clips on Facebook, Instagram and TikTok	Legitimate interest (sharing our content)

5. Who we share it with

Your data is processed for us only by providers that help us run the service, on our instructions:

Supabase: sign-in, database and file storage
Render: the servers our service runs on
Bunny.net: streaming of audio, video and images
Sentry: error reports
Apple and Google: sign-in, when you choose one of them
Paysera: card payments
The postal or courier service: name, phone and address, to deliver your order

The clips we publish appear publicly on Facebook, Instagram and TikTok, where Meta and TikTok process them under their own terms and policies.

We may also disclose data to a public authority when the law requires it.

6. Where it is processed

Some of these providers process data outside Kosovo, in the European Union or the United States. We work only with providers that protect data with appropriate safeguards, such as standard contractual clauses.

7. How long we keep it

Your account and everything saved in it: until you delete the account.
Orders: as long as accounting and tax law requires. When you delete your account, the name, address, phone and email are removed from its orders and only the financial record remains. Unpaid orders that have not been prepared yet are cancelled.
Error reports: up to 90 days.
Server technical logs: up to 30 days.
Social media posts: a post's data is kept with its clip and deleted when the clip is deleted. The post itself stays on Facebook, Instagram or TikTok until we remove it from our Page or account: deleting the clip on our side does not remove it. When an administrator disconnects our Facebook Page or our TikTok account in the dashboard, our servers delete its tokens at once and ask Meta or TikTok to revoke the access. Without a new connection, the administrator's Meta token lapses within 60 days and TikTok's tokens within a year; the Page's token does not lapse by itself, but stops working once the access is revoked. When Facebook offers several Pages, their list and the administrator's token are kept, encrypted, for up to 15 minutes until one is chosen.

8. Your rights

You have the right to ask for access to your data, to have it corrected, deleted or its processing restricted, to receive it in a readable format, and to object to processing based on our legitimate interest. You can withdraw consent at any time.

If you believe we process your data unlawfully, you can complain to the Information and Privacy Agency of Kosovo, or to the data protection authority where you live.

How to ask for your data to be deleted

You can delete your account and its data yourself in the app: Profili › Fshi llogarinë (Profile › Delete account). You can also write to info@criterianetwork.com from your account's email address. For other requests write to the same address; we answer within 30 days.

As the app and the website offer no Facebook sign-in, we keep no data about Facebook users. A full administrator removes the connection of our Facebook Page and Instagram account to our app in the dashboard (Cilësimet › Facebook dhe Instagram › Shkëput): our servers delete the tokens at once and ask Meta to revoke the access. The Page's administrator can also remove our app at any time in Facebook's settings for Business Integrations; after that we can no longer publish on the Page. The owner of our TikTok account can withdraw our app's access to it at any time in TikTok's settings for app permissions. For any other request about data related to our posts on Facebook, Instagram or TikTok, write to info@criterianetwork.com.

9. Children

Accounts are for people over 16. Younger children can use the app without an account, or with a parent's account. If you learn that a child created an account without your consent, write to us and we will delete it.

10. Security

Connections to our servers are encrypted (HTTPS). Your sign-in session is kept in the phone's secure storage. Staff access to data is limited by role, and card details never pass through our systems. The tokens for our connections to Meta and TikTok are kept on our servers only, encrypted, and like our Meta and TikTok apps' secrets they never reach a browser or the app.

11. Changes

When we change this policy, we update it on this page and change the date above; the new version applies from that date. For important changes we also tell you in the app.

12. Contact

Criteria Network sh.p.k., Rruga Kuvendi I Lezhes, Blloku V, Lokali 3, Fushë Kosovë, Kosovo. Email: info@criterianetwork.com. Phone: +383 49 253 746.